لو عليّه من زمن بنسى غلاك ...,
بسّ فيني
طفل عايش
يرتجيك
كل ما قرّرت أبرحل عن مداك
صاح يبكي
ما يبي الفرقا
يبيك
على ذِيك الدروب اللّي / مِشت خطواتنا فيهـا
سرت أحلامنا عجلى وحلّت دونهـا حسـرات
تلاشت ضحكة أحبابي / وجوٍّ كـان محييهـا
توطّن بالحشا فرقا / وزادت بالصدر طعنـات
طلبت { إحساس جمّعنا } يـرد أيـام نبكيهـا
يرجعنا لذاك النور / ونزرع بالفرح ضحكـات
رجيت عْهود يالغالـي حسبـت إنّـا نوفّيهـا
حسبتك ما تقاطعني وتتركني بـدون صْفـات
علامك ما ترد الصوت ..! وأشواقك تخبيّها..!!
علامك ما تجاوبني وتقتلنـي جفـا وسْكـات
حبيبي كان تسمعني تـرى أيامـي مجافيهـا
بعد ما غابت علومك هناها والأمـل بالـذات
وتخنقني حروفي صمت عجز بوحـي يهدّيهـا
وتغزيني سهامك لين / أجرّ بداخلـي آهـات
تنطقني دموعي بوح عجـز صمتـي يداريهـا
وتفضحني براءة عين ملاها وقتهـا بدمعـات
أنا من غابـت طيوفـك / وأحزانـي أناجيهـا
أنا من زارني بُعدك كتبتـك بالحنيـن أبيـات
أنا فـي حبنـا طفلـه / وأشواقـك تناغيهـا
وصالك بسْ يرضيني / وقُربك أطيب الحّـزات
تعال ونوّر أوقاتي / تعـال وعلّتـي إشْفيهـا
تعال وداو لـي جـرحٍ يزيـد بْغيبتـك ونّـات
وربّي لو تبي عيني فـداك العيـن وراعيهـا
لإنّك داخلي موطن وشوفـك يبـري العـلّات
فداك الكون وأيامي فـداك الـروح وإنهيهـا
مدامي ميّته بيدك { تراها أسعـد اللحظـات }
.
الخميس مارس 12, 2009 1:43 pm
شكرا